Árstíð þistilhjartanna hefst um miðjan nóvember og þá eru sérvaldir stærstu þistihjartahnettirnir (globe) til matvælaframleiðslu og á markaðinn. Í janúar og febrúar nær svo þistilhjartavertíðin hámarki en á því tímabili stendur yfir dagleg handtínsla á hinu þyrnótta grænmeti. Þistihjartatínsla er mjög þreytandi starf og tínslan fer fram snemma morguns í morgunsvalanum og á kvöldin þegar um heitari tímabil er að ræða, en getur enst fram eftir degi sé ekki of heitt í veðri. Hver planta gefur af sér um 10 þistihjartahöfuð. Tínslan nær fram í lok apríl eða byrjun maí, en frá febrúarlokum eru þistihjörtun smærri og henta betur í matvælaframleiðslu heldur en til beinnar neyslu. Eftir þrjú ár eru plönturnar grafnar upp eftir að rótarangarnir hafa verið skornir frá og þeir fluttir á nýtt ræktunarsvæði þar sem þeim er plantað til að tryggja sem best erfðafræðilega heildstæðni og gæði hinnar nýju uppskeru á meðan fyrra ræktunarsvæðinu er breytt í hveitiakur og þannig heldur hringrásin áfram.

Þistilhjörtu skipa að sjálfsögðu heiðurssess í hinni árstíðabundu matreiðslu Sardiníu (sem er aðal þistilhjartasvæði Ítalíu), þar sem þau eru helst tínd ung, þegar laufskeggið (the choke) – la barba – er enn mjúkt, ystu laufin eru skorin frá. Þistihjörtun eru ýmis borðuð hrá, stökk og hnetukennd, e.t.v. ásamt bottarga di muggine (lostæti búið til úr marlaxkavíar) eða einfaldlega með smá jómfrúarólífuolíudreitil og sítrónusafa og hinu stökka sardiníska brauði, carasau eða þeim er velt upp úr deigi og þau djúpsteikt og eins eru þau gjarnan soðsteikt og fyllt með ricottaosti. Þistilhjörtun eru matreidd á ótal aðra vegu og hugmyndaflugið er nýtt út í ystu æsar á meðan árstíð þeirra endist og þar til árstíð og ljómandi bragð annars hráefnis tekur við.

Þistihjörtun sem ætluð eru til matvælaframleiðslu þurfa að ganga í gegnum eftirfarandi ferli. Eftir að þistilhjörtun hafa verið tínd er farið með þau í verksmiðju í nágrenni tínslustaðarins, þar sem þau sem nota á í framleiðsluna eru sérvalin, þvegin, þeim skipt niður, skorin niður og lögð saman í léttan kryddlög sem samanstendur af vatni og sítrónusýru sem kemur í veg fyrir að hinn fölgræni litu þistilhjartanna oxist ekki. Gæðaeftirlit Saclà yfirfer hið ferska hráefni í gegnum allt vinnsluferlið.

Að svo komnu eru bestu þistilhjörtun tilbúin til að vera send í verksmiðjuna í Asti til lokavinnslu. Saclà setur einfaldlega þistihjartafjórðungana í olíu og hellir blöndu af sólblóma- og jómfrúarólíufolíu yfir sem hefur verið bætt með suðrænum kryddjurtum.

Eftir að varan hefur á öllum stigum framleiðslu gengið í gegnum strangt eftirlit á rannsóknarstofum Saclà, eru hinar litlu krúsir fyrst tilbúnar til að yfirgefa verksmiðjuna og halda á vit nýrra matarævintýra ítalskra sem erlendra neytenda.