Nýjasta pestósósan frá Saclà er algjört dúndur hráefni. Um er að ræða pestó með ítölskum svörtum sumartrufflum í hæsta gæðaflokki. Einstakur keimur þessarar nýju skörpu sósu, nýtur sín frábærlega saman við ferskt pasta, með kjúkling, út á brúskettuna (e.t.v. að viðbættu ansjósuflaki og saxaðri steinselju og ekki verra ef brauðsneiðin er gyllt fyrst í smjöri) ofl. Prófið einnig sem hráefni saman við tómatlagaða sveppasósu með pasta. Lífsnautnamaðurinn Casanova var mikill truffluaðdáandi, ekki bara vegna bragðgæða hinna dýrmætu jarðkeppa, heldur einnig vegna hinna „tælandi“ áhrifa truffla og notaði því hráefnið óspart í matseðla sína (en lostavekjandi áhrif hafa löngum verið tengd trufflum). Hvort sem það er raunin eður ei, eru trufflur sérlega tælandi og spennandi hráefni fyrir bragðlaukana.
Jarðkeppir eða trufflur eru svo aftur hráefni sem hefur sterka tengingu við heimahaga Saclà, Piemontehérað, en gómsætustu trufflur landsins eru álitnar vera frá Asti- og Albasvæðinu í Piemonte og eru eins og flestir vita mjög dýrmætt hráefni og truffluleitarsvæði heimamanna eru yfirleitt algjört hernaðarleyndarmál hvers og eins landeiganda. Sérþjálfaðir truffluhundar eða svín eru ómissandi við truffluleitina, en jarðkeppirnir verða til í gistiliífi við nokkrar trátegundir og útlit þeirra er breytilegt eftir því um hvaða trjátegund er að ræða. Prófið ykkur áfram með þetta spennandi pestó og látið ilm þess flytja ykkur yfir í trjáríka truffludali Ítalíu.
Smellið HÉR til að skoða vöruupplýsingar um Saclà sumartrufflupestó