Kjúklingapasta á kortéri

mínútur / Fyrir: 

Undirbúningur

Ef ykkur vantar eitthvað einfalt, fljótlegt og gott, þá er hér ein skothelt pastauppskrift með kjúklingi, pastasósu og Mascarpone osti!

Það tók í raun aðeins suðutímann á pastanu + 5 mínútur í ofni til að bræða aðeins ostinn til að útbúa þessa dásemd.

  1. Sjóðið pasta samkvæmt leiðbeiningum á pakka.
  2. Á meðan má skera kjúklinginn í bita, steikja hann upp úr ólífuolíu, krydda eftir smekk og rífa hvítlauksrifin saman við.
  3. Þegar kjúklingurinn er tilbúinn má hella báðum pastasósukrukkunum yfir og leyfa að malla stutta stund.
  4. Þegar pastað er tilbúið má blanda því saman við kjúklinginn og pastasósuna.
  5. Að lokum má setja vel af Mascarpone osti, bæði inn á milli laga og ofan á pastað og hita í 200 gráðu heitum ofni í 5 mínútur, eða þar til osturinn bráðnar aðeins niður.

Það einfaldar lífið svooooo mikið að geta gripið í tilbúna pastasósu sem unnin er úr gæðahráefnum til að aðstoða sig við eldamennskuna.

Innihald

  • 500 g pasta (hér notaði ég Rigatoni)
  • 600 g kjúklingabringur
  • 3 hvítlauksrif
  • 2 krukkur af Whole Cherry Tomato pastasósu með basilíku frá Sacla (2 x 350 g )
  • 250 g Mascarpone ostur
  • Salt, pipar og hvítlauksduft
  • Ólífuolía
  • Fersk basilíka